Vetëm fjalë

Qielli i errët fillon të çelet

dhe yjet i përpinë ngadalë,

e unë kësaj nate kaq të bukur,

s'i jap gjë tjetër, vetëm fjalë.

Pra, kam kohë që po qëndroj këtu

herë herë flas me veten,

prandaj edhe mua sikurse yjet

fjalët ngadalë po më treten.

Të tilla që u ngjajnë lutjeve

që shprehin ndjesë, e shpresë,

të tilla fjalë që jashtë s'dëgjohen,

e brenda më ulërasin me dënesë!

Ndoshta edhe ato si unë janë lodhur

duke pritur një diell të ri çdo natë,

që nuk ndryshon veç të shkretën datë

por edhe njerëzit pak nga pak.

Picture taken from: traperture page

Originally written: September 6th 2015